اهلا و سهلا

صديقي الچنت ازامط بیه وگلبي ایحسب احسابه

رحتله ابیوم عید الله وصلته وسد علي بابه

رجعت اردود ادگ بالباب طلعلي ونبح اچلابه

گللهن هذا الباگاني

***

صدیقي الچنت ازامط بیه و اعز من عندي ما عنده

خنجر غدر شک باحشاي طحت وشاف وتعده

کله وماحسبت ایخون گلت هاک الجرح شده

شد جرحي ونیشن للثاني

***

صدیقي الچنت ازامط بیه واعز من عنده ماعندي

لچمني وخله کل شامت وگف ویهوس ابضدي

رحتله وگمت ادگ بالباب گلهم دگت امجدي

گلوله ایدگ باب الثاني

***

صديقي الچنت ازامط بیه وگلت اینوح یم نوحي

غافلني ابحلاة النوم ضب صم ملح بجروحي

گلبي ابطاعتي او وياي بس العیب من روحي

کلمن یضحکلی امخاویته

****************************************

غدیت انگل وسیس اهموم وبنای

من وکتی الیدگلی ابعود و ابنای

عضیدی ایگول حیل اویا و ابنی

فرح من شاف وکتی گطع بیه

*****************************************

الک حب ساکن ابگلبی ولعظام

وعلیک اضلوعی ایحنن ولعظام

عظیمه فرگتـــــــک خویه ولعظام